ATUR PANGIRING
Assalamu’alaikum Wr. Wb.
Kawula nuwun, anggen kula ngrumpaka serat pedhalangan mligi
ngewrat Janturan dalah Kocapan punika, estining manah tumut anyengkuyung
ngrembakaning kagunan Jawi sambetipun ing babagan janturan tuwin kocapan
ingkang kamot wonten Jagading seni pedhalangan.
Pandhapuking serat punika mugi sageta asung pambiyantu dhumateng
para siswa ing pawiyatan pedhalangan, para calon dhalang menapa dene para
dhalang piyambak, ing pangajab kenginga kangge nambah bobot tuwin prabot pakeliran,
sumarambah kagunen kawruh pedhalangan anggenipun sami nindakaken kewajiban
handhalang.
Karthi linambaran budi luhur murih tetep sentosa saka guruning
kagunan Jawi, sarta punika dadosa pandam gegebenganing para dhalang anggenipun
mbabar cariyos ing kelir, satemah niat hamarsudi saha nglestantunaken budaya
Jawi wonten ing jagading globalisasi manoke sayektos mboten gampil kagiwang
utawi kengguh budaya manca inkang racak cengkah kaliyan kapribaden bangsa kita.
Kula pitados bilih serat pedhalangan Janturan lan kocapan punika
mboten sempurna, pramila kasumanggakaken paradhalang anggenipun nambah,
kajumbuhaken kaliyan kawontenan. Semanten ugi panyaruwe murih janturan lan
kocapan punika saget maremaken, tansah kula tengga. amargi uruning pemanggih
amrih sampurnaning serat punika badhe kula tampi tangan kalih.
Pinutuping atur, mugi-mugi serat janturan lan kocapan punika migunani
dhumateng para calon dhalang, kanthi jurung pamuji anggenipun sami lelumban
wonten jagading seni pedhalangan saget tambah wiyar tebanipun. Nuwun.
Wassalamu’alaikum Wr. Wb.
Sukoharjo, Januari 2003
Pangripta
BONDHAN HARGANA SW
DAFTAR ISI
Pregnancy facts*
